Af dún og dásemdum

Annars er mér svo sem sama um allar flensur enda myndi ekki væsa um mig í bælinu. Fór nefnilega í gær og fjárfesti í nýrri dúnsæng - Snjógæsadúnn mun það vera. Fislétt og dásamleg.

Ástandið í svefnherberginu var farið að líkjast gömlu sjónvarpsauglýsingunni, sem allir sem komnir eru til vits og ára muna eftir, einum of mikið. Dúnninn úti um allt ef mín svo mikið sem snéri sér í bælinu, enda hin 19 ára gamla dúnsæng orðin ansi lúin og hefur síðustu vikur fengið þá sérmeðferð að  vera sett í tvö sængurver til að reyna að sporna við dúndrífunni. Svo mín brá sér í Dún og fiður, reyndar ekki á Vatnstíg 3, heldur niðri á Laugavegi og fékk sér bara eina nýja. Og þvílíkur munur!

Athugasemdir

[Sveinn (IP-tala skráð) 27.1.2008 kl. 12:23]

Já, og svo má ég búa við það að þurfa að sofa við hliðina á nýja dúnfjallinu með mína gömlu, gisnu dulu ofan á mér. Forgangsröðin er alveg skýr á þessu heimili.

[Ingibjörg Margrét , 27.1.2008 kl. 13:03]

Ohhh ætli þú leitir ekki undir dúnfjallið ef þú hefur þörf á, gamli minn

[Beta (IP-tala skráð) 28.1.2008 kl. 09:21]

Af því að hún er svona fislétt (og við ekki með svo rosalega mikinn farangur) ertu þá ekki til í að taka hana með til Berlínar, ef ske kynni að mér yrði kalt á tánum og gæti þá laumað mér undir til þín. 

[Ingibjörg Margrét , 28.1.2008 kl. 19:37]

Ekki málið Beta mín, þú veist að ég pakka ýmsu niður fyrir þig - set bara stopp þegar kemur að því að ég þurfi að borga yfirvigt til að fá að fara úr landi