Fiskur

Ég má til með að mæla með þessari litlu bók sem ég var að ljúka við rétt í þessu. Fljótleg og létt lesning sem skilur mikið eftir.

Hún er kynnt sem leið til að auka vinnugleði og starfsárangur en á ekki síður við í daglegu lífi. Það er nefnilega ótrúlegt hvernig viðhorf okkar og hugarfar getur skipt sköpum í daglegu amstri.

Þegar ég hafði lokið við bókina leit ég inn á bloggsíðu sem ég les daglega þó ég þekki konuna ekkert sem þar situr við lyklaborðið. En þegar ég las færsluna hennar í dag gerði ég mér grein fyrir að það sem hún skrifar uppfyllir allt það sem þessi bók mælir með. 

Sjálf hef ég sett lykilatriðin í bókinni upp á blað sem ég mun hengja upp fyrir ofan skrifborðið mitt í vinnunni.