Fiskur

Ég má til með að mæla með þessari litlu bók sem ég var að ljúka við rétt í þessu. Fljótleg og létt lesning sem skilur mikið eftir.

Hún er kynnt sem leið til að auka vinnugleði og starfsárangur en á ekki síður við í daglegu lífi. Það er nefnilega ótrúlegt hvernig viðhorf okkar og hugarfar getur skipt sköpum í daglegu amstri.

Þegar ég hafði lokið við bókina leit ég inn á bloggsíðu sem ég les daglega þó ég þekki konuna ekkert sem þar situr við lyklaborðið. En þegar ég las færsluna hennar í dag gerði ég mér grein fyrir að það sem hún skrifar uppfyllir allt það sem þessi bók mælir með. 

Sjálf hef ég sett lykilatriðin í bókinni upp á blað sem ég mun hengja upp fyrir ofan skrifborðið mitt í vinnunni. 

Athugasemdir

[Birna (IP-tala skráð) 26.11.2007 kl. 08:31]

Ég fiskurinn ælta sko að ná mér í eintak af þessari bók og lesa upp til agna. Heyrði fyrir einhverju síðan umræðu um þessa bók í útvarpinu og var hún einmitt á sömu nótum og þú upplifir hana kæra vinkona.  Örugglega þörf lesning fyrir alla fiska og auðvitað líka fyrir alla hinar tegundirnar!

[Ingibjörg Margrét , 26.11.2007 kl. 10:22]

Sæl mín kæra vinkona, þú þarft ekki að leita langt eftir bókinni því ég á hana. Er reyndar búin að lofa einni samstarfskonu að lána henni hana en sú er ansi snögg að lesa svo þess er ekki langt að bíða að þú getir fengið hana.

[Birna (IP-tala skráð) 27.11.2007 kl. 08:21]

Takk,takk ég þigg að vera á lántakendalistanum! 

kær kveðja,