Draumurinn rættist

Í 36ár hefur það verið mitt fyrsta verk á morgnanna að fálma eftir gleraugunum og mitt síðasta verk á hverju kvöldi að ganga frá þeim á vísan stað þar sem auðvelt væri að finna þau fyrirhafnarlaust. Hef sem sagt verið háð þessu hjálpartæki æði lengi og löngu farin að líta á þau sem hluta af sjálfri mér.

Í morgun fór ég hins vegar í laseraðgerð og mun væntanlega geta skilið á milli sjálfsins og gleraugnanna ef allt gengur eins og útlit er fyrir.

DÁSAMLEGT!

Aðgerðin gekk bara vel. Smá pikkles við hægra auga svo það þurfti að athuga
það aðeins aftur - en annars mjög lítið mál. Hef eytt deginum í rökkri með
lokuð augun og nú er þetta held ég allt að koma. Pikka þetta reyndar inn í
gegnum móðu og mistur með sólgleraugun á nefinu en sá strax á klukkuna
inni í aðgerðaherberginu þegar ég reis af bekknum og gat lesið
fyrirtækjaheitin hinum megin við götuna þegar ég kom út..

Ótrúleg tækni og allar líkur á að þið (og reyndar ég líka) verðið að venjast gleraugnalausri konu

Sveinn segir reyndar að ég verði eins og svikin vara - en þar sem
skilafrestur er löngu útrunninn og engin til að taka við kellu þá tek ég
slíkum athugasemdum af stóískri ró.

Hlakka til að sjá ykkur öll í nýju ljósi !

Athugasemdir

[Gróa (IP-tala skráð) 1.11.2007 kl. 22:46]

Ef þú ætlar að fara að sjá mann í réttu ljósi, þá ætla ég að biðja þig um að koma ekki of nálægt...Grafarvogur-Rauðagerði er passleg fjarlægð.  Hvaða augna-og eyrnavesen er þetta annars á þér...hefur þú hugsað um að fara til háls-, nef og dýralæknis eins og ein ung stúlka á Hofi komst svo skemmtilega að orði hérna um árið? 

Og hvar stendur að þú sért útrunnin?... ertu kannski með síðasta "neysludag" húðflúraðan einhversstaðar (minni þig á aðra unga stúlku á Hofi sem upplýsti okkur um visst tattú)

Sjáumst vonandi fljótlega...ég kynni mig bara ef þú berð ekki kennsl á mig.

[Særún (IP-tala skráð) 2.11.2007 kl. 00:03]

Innilega til hamingju með þennan áfanga. Hlakka til að sjá þig, bara spurning hvenær það verður. Vonandi þekkir þú mig þegar það verður.

[Gretta hin fagra (IP-tala skráð) 2.11.2007 kl. 22:10]

Innilega til hamingju elsku besta Grænka mín. Ég treysti á að þú verðir hjá mér til að halda í höndi mína þegar minn tími kemur ~ÖFUND~  :-þ

knúsí knúsí Grettla hin blinda