Mér finnst rigningin góð

Ég verð vör við það að margir eru orðnir þreyttir á rigningunni. Ég hallast hins vegar að því að ég sé sjálf nánast ónæm fyrir veðri. Læt það satt að segja ekki hafa nein áhrif á mig - nema náttúrulega þetta dásamlega sumar sem við fengum í ár - þess naut ég út í ystu æsar eins og aðrir landsmenn og finnst það réttlæta margra vikna haustrigningar. Veit líka að það styttir upp um síðir.